بيـــــــــــــــانولا ..

قرب و شــــوف
عصر الخســــــــوف ...
دي حكمة موزونة
ف مقاااااااالة
في الأول إمسح لي دماغك
و أجهز لتظبيط النظام
حتبقى نــــــدل
تعيش تمام
و الغي تماما معنى ( ندل )
من وسط قواميس السفالة
حتعيش في فضل
و بحببه ..
و لا تبقى عالة ...

ع الندالة ...
يا سيدي قسممممممممممم
بالكلام و الحرف ترســم ..
موهبة .. و علم و إجاااازة ...
و فن يا بني ....
لو بتفهـــممممم ...
بيقولك الندل ــ إحلقوله ـــ
ليييييييه ... ؟؟؟
ساعات بيكون له عازة
يدي لأخلاقك أجااااازة
و يشربك مر الليالي ...
و كل مقلب حلو طــازة ..
بردو .. مخ ... و تكتكة ..
مش عباطة و لخبطة
يا صاحبي شوف
و أقرا الحروف
ديت فنون على هندسة
و شــــــــــــــغل بلذاذة

لما صاحبك يبقى .. أهبل
قوم يصدق أي حاجة ...
أوعى تخسر .. فرصتك
و حتشتغل أم السذاجة ..
و لا تفتكر إن إنت عيل ...
و إنو صاحبك المفازة ...
شوف هيا بس الدنيا إيه
غير كام جنية
ويـــا تظبيط المزاجــا ...
كبر يا عم ...
و أم ... مبدأ شـــدنا
مصمص يا أبويا دمـــنا
و يقولك الأخلاق .. سراجا ..

الصديق الندل ...
كـــــــــــنزززززززززززز ...
حيعيشك عمرك في عــز ....
و هــز .. وز ....
مش في ضيقة و عكننة
و ذل و كآبــــــــــة ...
إدعي إلهي يرزقك ..
و تنولهــا يا بني ...
و تبقى بـــــــابا ....

الصديق الندل ... ستره
ف كل مزنق
عنده فكره
و دماغه شغالة و متينة
لو ورطتك توزن جبال
يلاقيلها حل إبن اللذينا ...

كان فيه زماااااااااااان
حبة بشر
حاشيين دماغهم
و مضيعين يا بنيا كل جهدهم
في حاجات محـــــاااااااالة
بيقولك
العلم
الأصالة ..
و حاجات غريبة مكلكعة
خلت حياتنا موجعة
حليتها ببساطة
الندالة ...
( علم الحياة المسرعة )
مكانتها دي
في العصر هالة

و إسمع بقى أحدث ندالة
لما واحد مرة يعمل روحة ست
واد مدقدق ... بس فت
قوم يصاحب ألف واحدة
شات بقى ...
و آهو شغل نت ..
يسحب البنت ف حكاية
توريطة ملعونة و غواية
و هو عامل نفسه آيـــــــه ...
تفضل تدلدق ف الكلام
و تبوح بأسرار الغرام
و تصطبح يا ضناية سامعة
صوتها طالع في الكاسيت
ملعوووووووووووبة
و إزاي حتداويها ....
و لا حل ليها ..
و إن باتت المسكينة حالها
يشيل يحط

كدا بإختصار خدت المفيد
حنوافي دايما بالجــــديد
للإتصال
شارع ( عصارة الصديد )
أو سابقا
شــرف الشـــــــهيد

منقول